ချစ်သူမိန်းကလေးကို ” အရူးမ ” လို့ ချစ်စနိုးနဲ့ ခေါ်မိ တဲ့အတွက် ထောင် ၂ လကျ သွား တဲ့ အမျိုးသား

ချစ်သူစုံတွဲတွေကြားမှာ စနောက် ခေါ်ဆိုတာတွေ၊ ခိုက်ရန်ဖြစ်ပွားတာတွေ က မဆန်းပေမယ့် ယူအေအီးနိုင်ငံက အမျိုးသားတစ်ဦးကတော့ သူ့ချစ်သူမိန်း ကလေးကို အရူးမလို့ ခေါ်ဆိုမိခဲ့တာ ကြောင့် ထောင်ဒဏ် ရက် ၆၀ ချမှတ်ခံရ ပြီး ဒဏ်ငွေ ဒါရမ် ၂၀၀၀၀ (ကန်ဒေါ် လာ ၅၄၄၆ ခန့်) ချမှတ်အရေးယူခံလိုက် ရတယ်လို့သိရပါတယ်။


အရူးမလို့ အနက် အဓိပ္ပာယ်ရတဲ့ အာရဗီအသုံးအနှုန်းကို စနောက်တဲ့အနေနဲ့ အဆိုပါလူငယ်အမျိုး သားက WhatsApp ကနေ စာတိုရေး သားပေးပို့ခဲ့မိတာဖြစ်ပေမယ့် သူရဲ့ချစ် သူမိန်းကလေးကတော့ ဒါကိုစနောက်တဲ့ သဘောလို့မမှတ်ယူနိုင်ဘဲ စော်ကားရန်စ တာလို့ ယူဆခဲ့တာကြောင့် တရားစွဲဆိုခဲ့ တာဖြစ်ပါတယ်။


ယူအေအီးနိုင်ငံမှာ တစ် စုံတစ်ယောက်ကို စော်ကားတဲ့အဓိပ္ပာယ် သက်ရောက်တဲ့ဘယ်လိုဖော်ပြချက်ကို မဆို ဆိုရှယ်မီဒီယာကနေ ပေးပို့မိရင် ဆိုက်ဘာရာဇဝတ်မှုအဖြစ် သတ်မှတ်ထား တာဖြစ်ပြီး တရားဥပဒေအရ ပြစ်မှုကျူး လွန်သူတွေအနေနဲ့ ထောင်ဒဏ်ရော၊ ငွေ ဒဏ်ပါ ချမှတ်အရေးယူခံရနိုင်ကာ ငွေ ဒဏ်ကိုလည်း ဒါရမ် ၁ သန်းထိ (ဒေါ် လာ ၂၇၂၂၉၄ ထိ) ချမှတ်အရေးယူခံရနိုင် တယ်လို့ သိရပါတယ်။

Shwe Burma